South_Flag Ethiopia_Flag

የደ/ብ/ብ/ሕ/ክ/መንግስት ጠቅላይ ፍ/ቤት
S/N/N/P/R/S   Supreme Court

Ethiopia_Flag

የክልሉ ጠቅላይ ፍርድ ቤት ተግባርና ኃላፊነት፡፡

የክልሉ ጠቅላይ ፍርድ ቤት ከሕብረተሰቡ የሚቀርቡለትን ጉዳዮች በአገሪቱ ሕግና በተሰጠው ስልጣን መሰረት ተቀብሎ ዳኝነት የሚሰጥ ተቋም ነው፡፡ ይህ ተቋም ተግባሩን ፍትናዊ በሆነ አሰራር ሕገ- መንግስቱንና ሕገ-መንግስቱን መሠረት በማድረግ የወጡ ሌሎች ሕጐችን በመተርጐም ለቀረቡለት ጉዳዮች ውሳኔ መስጠትና ውሳኔውንም በሕግ አግባብ ማስፈፀም ሲሆን ዝርዝር የዳኝነት ስልጣኑ የሚከተለው ነው፡፡

1. የመጀመሪያ ደረጃ የዳኝነት ስልጣንን በተመለከተ፡

ሀ. የክልሉ መንግስት ባልስልጣናት በስራ ኃላፊነታቸው ምክንያት ተጠያቂ የሚሆኑባቸው የወንጀል ጉዳዮች፣

ለ. አንድ ጉዳይ ከአንድ ከፍተኛ ፍርድ ቤት ወደ ሌላ ከፍተኛ ፍርድ ቤት ወይም ወደ ራሱ እንዲዛወር በሚቀርብ ጥያቄ፣

ሐ. አንድ ጉዳይ ሁለት ወይም ከዚያ በላይ ከፍተኛ ፍርድ ቤቶች ወይም በተለያዩ ከፍተኛ ፍርድ ቤቶች ስር የሚገኙ የወረዳ ፍርድ ቤቶች ስልጣናችን ነው ብለው የያዙት ወይም ስልጣናችን አይደለም ብለው የመሳሰሉት እንደሆነ በጉዳዩ ላይ ተገቢ ትዕዛዝ እንዲሰጥበት በሚቀርብ ጥያቄ፣

2. ጠቅላይ ፍርድ ቤት የከፍተኛ ፍርድ ቤት በመጀመሪያ ደረጃ ስልጣኑ ውሳኔ የሰጠበትን ጉዳይ እንዲሁም የከፍተኛ ፍርድ ቤት በይግባኝ ሰሚነት ስልጣኑ የወረዳ ፍርድ ቤት ከሰጠው ውሳኔ የተለየ የሰጠበትን ጉዳይ በይግባኝ የማየት ስልጣን ይኖረዋል፡፡

3. ጠቅላይ ፍርድ ቤት የመጨረሻ ውሳኔ የሰጠበትንና መሰረታዊ የሕግ ስህተት ያለበትን ክልላዊ ጉዳይ በሰበር የማየት ስልጣን ይኖረዋል፡፡

የክልሉ ፍርድ ቤቶች አወቃቀር

በክልሉ 25 ከፍተኛ፣133 የወረዳ፣22 የመጀመሪያ ደረጃ፣ ጠቅላይ ፍርድ ቤትና በየዞኑ እንዲሁም ቢያንስ 1 የዞን ከፍተኛ ፍርድ ቤት ምድብ ችሎት ያለ ሲሆን በአንዳንድ ታዳጊ ከተሞች የመጀመሪያ ደረጃ ፍርድ ቤቶች እንዲሁም ሰፊ በሆኑ ዞኖች የአከባቢ ከፍተኛ ፍርድ ቤቶች አሉት፡፡

የወረዳ ፍርድ ቤቶች በወረዳ ዋና ከተማ ፣ ከፍተኛ ፍርድ ቤቶች ደግሞ በዞኑ ወይም በልዩ ወረዳ ዋና ከተማ ይገኛሉ፡፡

ጠቅላይ ፍርድ ቤቱ በክልሉ ዋና ከተማ አዋሳ ይገኛል፡፡

Back to Top